చుంచుల మైనర్ డ్రైన్ పూడికతీత పనులకు రూ 6.80 లక్షలు మంజూరు చేసినట్టు జిల్లా కలెక్టర్ హిమాన్షు శుక్లా తెలియజేశారు. సెంట్రల్ గోదావరి డెల్టాలో ఒకటైన చుంచుల మైనర్ డ్రైన్ 1400 ఎకరాల పరివాహక ప్రాంతాన్ని కలిగిన డాక్టర్ బి.ఆర్ అంబేద్కర్ కోనసీమ జిల్లా అల్లవరం మండలం బెండమూరిలంక వద్ద పంచనది మీడియం డ్రైన్ లో కలుస్తుంది. తద్వారా ముంపు నీటిని గోదావరి నదిలో ఖాళీ చేస్తుంది. ఈడ్రైన్ పూడిక కు గురికావడం వలన బెండమూరి లంక లోని ఆయకట్టు వర్షాకాలంలో ముంపునకు గురై ఆయకట్టు దారులకు నష్టం కలిగిస్తున్నది. చాలా కాలం నుంచి ఈ డ్రైన్ పూడికతీత పనులు వివిధ కారణాల చేత జరగలేదు. ఇప్పుడు ఒక ప్రణాళిక ప్రకారం జిల్లాలోని వివిధ డ్రైన్ల పూడికతీత పనులు చేపడుతున్నామని జిల్లా కలెక్టర్ వివరించారు.
వ్యవసాయ భూములు, బెందమూరిలంక గ్రామం ముంపునకు గురికాకుండా పూడికతీత పనులకు ONGC కార్పొరేట్ సామాజిక బాధ్యత నిధుల కింద 6,88,157 రూపాయలు పరిపాలన అనుమతులు మంజూరు చేశామని జిల్లా కలెక్టర్ హిమాన్ష్ శుక్లా లో తెలిపారు. ఇటీవలే టెండర్స్ పిలవబడి పనులు మొదలయ్యాయన్నారు. చుంచుల మైనర్ డ్రైన్ లో పూడిక తీయడం వల్ల డ్రైన్ సామర్థ్యం పెరిగి ఆయకట్టు నుండి ప్రవహించే ముంపు నీరు వేగంగా వెనక్కి తగ్గి వర్షాకాలంలో పంటకు నష్టం వాటిల్లకుండా వుంటుందని వివరించారు. ఈ పనుల వలన అల్లవరం మండలంలో 1400 ఎకరాల ఆయకట్టుకు ప్రయోజనం కలుగుతుందని కలెక్టర్ ఈ సందర్భం గా తెలిపారు.
