విద్యార్థి దశలోనే నాయకత్వ లక్షణాలు అలవర్చుకోవడం ద్వారా బాధ్యతాయుతంగా మెలుగుతూ ఉత్తమ పౌరులుగా ఎదుగుతారని ఐఎస్ టీడీ జాతీయ కౌన్సిల్ సభ్యులు, హెచ్ పీ సీ ఎల్ విశాఖ రిఫైనరీ చీఫ్ జనరల్ మేనేజర్ నగేష్ సూచించారు. మంగళవారం జాతీయ నిర్వహణ దినోత్సవం సందర్భంగా విశాఖలోని గాయత్రీ విద్యా పరిషత్ ఇండియన్ సొసైటీ ఫర్ ట్రైనింగ్ అండ్ డెవలప్‌మెంట్‌తో కలిసి లీడర్‌షిప్ స్కిల్స్‌పై సదస్సు ఏర్పాటు చేశారు. ఈ కార్యక్రమానికి ముఖ్య అతిథి మరియు హాజరైన నగేష్ మాట్లాడుతూ పలు అనుభవాలను పంచుకు న్నారు. కెరీర్ సక్సెస్ కోసం లీడర్‌షిప్ స్కిల్స్‌పై అధ్యాపకులు, విద్యార్థులను ఉద్దేశించి ప్రసంగించారు. ప్రిన్సిపాల్ డాక్టర్ ఎస్ రజనీ, డైరెక్టర్ ప్రొఫెసర్ జి.సోమేశ్వరరావు, హెచ్‌ఓడీ ప్రొఫెసర్ కెఎస్ బోస్, అధ్యాపకులు, ఐఎస్‌టిడి విశాఖపట్నం చాప్టర్ చైర్మన్ డాక్టర్ ఓఆర్‌ఎం రావు, కార్యదర్శి డాక్టర్ హేమ యడవల్లి, ఐఎస్‌టిడి సభ్యులు పాల్గొన్నారు.
