విశాఖపట్నంలో వచ్చే నెల 28,29 తేదీలలో నిర్వహించబోయే జి-20 సదస్సులను ఎటువంటి పొరపాట్లకు తావువివ్వకుండా నిర్వహించ డానికి అవసరమైన అన్నిచర్యలు తీసుకోవాలని రాష్ట్ర ప్రభుత్వ ప్రత్యేక ముఖ్యకార్యదర్శి వై.శ్రీలక్ష్మీ అధికారులను కోరారు. బుధవారం మధ్యా హ్నం ఉడా కార్యాలయంలో జిల్లా ఉన్నతాధికారులతో సమావేశమయ్యారు. జి-20 సదస్సు నిర్వహణ కొరకు అధికారులకు పలు సూచనలు చేసారు. ఈ సందర్భంగా ఆమె మాట్లాడుతూ మార్చి 27వ తేదిన వివిధ దేశాల నుంచి సదస్సుకు వచ్చే ప్రతినిధులకు సాంప్రదాయ స్వాగతం పలకడంతో పాటు ఎయిర్ పోర్టు నుంచి వారికి ఏర్పాటు చేసిన హోటల్ వరకు తీసుకు వెళ్లేందుకు అవసరమైన రవాణా, లైజినిం గ్, డెలిగేట్ కిట్స్ తదితర అంశాలపై జిల్లా కలెక్టర్ కు పలు సూచనలను జారీ చేసారు.
విదేశీ ప్రతి నిధులు జిల్లాలో పర్యటించిన సందర్భాలలో భద్రత పరమైన అంశాలకు సంబంధించిన ఏర్పాట్లు గురించి నగర పోలీసు కమిషనర్ సి.హెచ్. శ్రీకాంత్ ను అడిగి తెలుసుకున్నారు. వివిద దేశాల ప్రతినిధులకు జిల్లాలో టూరిజం ప్రాంతాలను సబ్ మేరైన్ మ్యూజియం, తొట్లకొండ తదితర ప్రాంతాలను సందర్శించు నిమిత్తం తగు ఏర్పాట్లు గావించాలని అధికారులను ఆదేశించారు. అదే విధంగా నగరాన్ని సుందరంగా ఆధునీకరించాలని జి.వి.ఎం .సి. కమిషనర్ కు తెలిపారు. చివరి రోజున ఆరోగ్యాన్ని మెరుగు పరిచే యోగా, మెడిటేషన్ తదితర కార్యక్రమాలను నిర్వహించడంతో పాటు ఎగ్జిబిషన్ ఏర్పాటు చేయడం జరుగుతుందని కలెక్టర్ డా.ఎ.మల్లిఖార్జున, రాష్ట్ర ప్రత్యేక ముఖ్యకార్యదర్శి వై.శ్రీలక్ష్మీ కి వివరించారు.
ఈ సమావేశంలో జాయింట్ కలెక్టర్ కె.ఎస్.విశ్వనాధన్,డి సి పి సుమిత్ సునీల్ గరుడ్, టూరిజం డైరక్టర్ మల్లిఖార్జునరావు, టూరిజం , పోలీసు,రెవెన్యూ,జి.వి.ఎం .సి, ఎయిర్ పోర్ట్ అధికారులు పాల్గొన్నారు. అనంతరం జిల్లా కలెక్టర్ డా.ఎ.మల్లిఖార్జున, నగర పోలీసు కమిషనర్ సి.హెచ్. శ్రీకాంత్, జిల్లా జాయింట్ కలెక్టర్ కె.ఎస్.విశ్వనాధన్ లతో కలసి విమానాశ్రయానికి వెళ్లి విదేశీ ప్రతి నిధుల రాక సందర్భంగా విమానాశ్రయంలో చేపడుతున్న పనులను పరిశీలించారు .
