ఈ సందర్భంగా అధికారులకు కేటాయించిన విధులను పవర్ పాయింట్ ప్రజెంటేషన్ ద్వారా కలెక్టర్ వివరించారు. సదస్సుకు సంబంధించి పనులు వేగవంతంగా జరుగుతున్నాయన్నారు.  ప్రతినిధులు బస చేయు హోటల్స్ వద్ద సహాయ కేంద్రాలు ఏర్పాటు గావించాలని చెప్పారు.  అతిధులు బస చేయు హోటల్స్ వద్ద, విమానాశ్రయం వద్ద,  ఎయు గ్రౌండ్ లోనూ  వైద్య ఆరోగ్య శాఖ నుండి మెడికల్ టీంలు, ఆంబులెన్స్, మందులు అందుబాటులో పక్కాగా ఉంచుకోవాలని ఆదేశించారు.  ఎంజిఎంలో సాంస్కృతిక కార్యక్రమాలను టూరిజం అధికారులు చూసుకోవాలన్నారు. విద్యుత్ అంతరాయం లేకుండా జాగ్రత్తగా చూసుకోవాలని ఎపిఇపిడిఎల్ ఎస్ఈని ఆదేశించారు. ఏమైనా సమస్యలు ఉంటే తెలియజేయాలన్నారు. అందరూ సమన్వయంతో పనిచేయాలని ఆదేశించారు. 

     పరిశ్రమల శాఖ కమిషనర్ డాక్టర్ జి. సృజన మాట్లాడుతూ గ్లోబల్  ఇన్ వెస్టర్స్ సదస్సు-2023కు నవీన్ మిట్టల్, ముఖేష్ అంబానీ, తదితర ప్రముఖ వ్యాపార వేత్తలు, అంబాసిడర్లు, పారిశ్రామిక వేత్తలు హాజరుకానున్నట్లు చెప్పారు. అధికారులకు అప్పగించిన విధులను బాధ్యతతో నిర్వహించి సమ్మిట్ ను విజయవంతం చేయాలని తెలిపారు. సమ్మిట్ కు వచ్చే పారిశ్రామిక వేత్తలను విమానాశ్రయంలో రిసీవ్ చేసుకోవాలని, వారికి అవసరమైన వాహనాలు ఏర్పాట్లు గావించాలన్నారు.   ఆంధ్రా యూనివర్సిటీ ఇంజనీరింగ్ మైదానంలో ఏర్పాటు చేసిన గ్లోబల్  ఇన్ వెస్టర్స్ సదస్సు ఏర్పాట్లను వెన్యూ వైజ్ గా వివరించారు. ప్రారంభోత్సవంలో లేజర్ షో, మా తెలుగు తల్లికి మల్లెపూ దండ పాట ఉంటుందని వివరించారు.  ఎంజిఎం గ్రౌండ్ లో సాయంత్రం సాంస్కృతిక కార్యక్రమాలు ఉంటాయని చెప్పారు. గ్లోబల్ ఇన్వెస్టర్స్ సదస్సు 2 రోజుల కార్యక్రమాలను ఆమె పవర్ పాయింట్ ప్రజెంటేషన్ ద్వారా వివరించారు. 

సమ్మిట్ కు వస్తున్న అతిధుల కోసం రిసెప్షన్, రవాణా, వసతి సౌకర్యాలపై చర్చించి పలు సూచనలు చేశారు. సమ్మిట్ కు వచ్చే ప్రముఖుల రాక, విమానాశ్రయంలో విమానాల రాకపోకలు అక్కడి ఏర్పాట్ల గురించి ఎయిర్ పోర్ట్ అధికారులతో చర్చించారు. ఎగ్జిబిషన్ స్టాల్స్ ఏర్పాటు చేయడం జరుగుతుందన్నారు.  మీడియా బ్రీఫింగ్ హాల్, తదితర ఏర్పాట్లు గూర్చి వివరించారు.సమ్మిట్ లో విధులు నిర్వహిస్తున్న అధికారులు, సిబ్బంది అవసరమైన ఎంట్రి పాస్ లను తీసు కోవాలన్నారు.   సమ్మిట్ లో పాల్గొంటున్న ప్రతి ఒక్కరికి ఎంట్రి పాస్ లను అందించడం జరుగుతుందన్నారు. ఈ సమావేశంలో ఎపిఐఐసి జోనల్ మేనేజర్ సిహెచ్ రంగయ్య, పరిశ్రమల శాఖ అధికారులు, జిల్లా అధికారులు, తదితరులు పాల్గొన్నారు.