ఎస్వీ ఆయుర్వేద కళాశాలలో సోమవారం సాయంత్రం విద్యార్థుల భద్రతపై అవగాహన సదస్సు జరిగింది. ఈ కార్యక్రమానికి ముఖ్యఅతిథిగా విచ్చేసిన సెట్విన్ సీఈఓ మురళీకృష్ణ మాట్లాడుతూ డ్రగ్స్ వినియోగం వల్ల నష్టాలు, సైబర్ క్రైమ్, ఈవ్ టీజింగ్, దిశా చట్టం తదితర అంశాల గురించి తెలియజేశారు. విద్యార్థులు మాదకద్రవ్యాల జోలికి వెళ్లకుండా ఉండాలని, సైబర్ క్రైమ్ మోసాలు, ముందు జాగ్రత్తలను ఉదాహర ణలతో సహా వివరించారు. దిశ పోలీస్ కె.స్వాతి మాట్లాడుతూ అంతర్జాలం ద్వారా జరుగుతున్న మోసాల వల్ల యువత తమ బంగారు భవిష్య త్తును నాశనం చేసుకుంటున్నారని, స్మార్ట్ ఫోన్ జాగ్రత్తగా ఎలా వాడాలి అనే విషయాలను తెలియజేశారు. మరో పోలీస్ ఆశ మాట్లాడుతూ ఈవ్ టీజింగ్ వల్ల జరిగే దుష్పరిణామాలు, విధించే శిక్షలను తెలియజేశారు. సామాజిక మాధ్యమాల్లో కొత్త వ్యక్తులు తారసపడితే ఆచితూచి పరిచ యం చేసుకోవాలన్నారు. దిశా యాప్ ను విద్యార్థినులందరూ డౌన్లోడ్ చేసుకొని అత్యవసర పరిస్థితుల్లో వినియోగించాలని, యాప్ ను వాడే విధానాన్ని తెలియజేశారు.
ఈ కార్యక్రమంలో ఎస్వీ ఆయుర్వేద కళాశాల ప్రిన్సిపల్ డాక్టర్ మురళీకృష్ణ, అధ్యాపకులు డాక్టర్ సుందరం, డాక్టర్ వెంకటశివుడు, డాక్టర్ రాజ్ కుమార్, డాక్టర్ గోపాలకృష్ణయ్య, దిశా పోలీసులు రేవతి, స్వప్న ఇతర అధ్యాపకులు, విద్యార్థులు పాల్గొన్నారు.
