విశాఖ గ్లోబల్ ఇన్వెస్ట్ మెంట్ సమ్మిట్ లో డెలిగేట్ రిజిస్ట్రేషన్లపై నిర్వాహకులు కిట్లు పంపిణీ చేసే విషయంలో తీవ్ర ఆగ్రహం చూపించారు. దీనితోరిజిస్ట్రేషన్లు చేయించు కున్నచోట కిట్లు ఇవ్వకపోవడం, డెలిగేట్స్ పై నోటికొచ్చినట్లు మాట్లాడి చిరాకు పడటంతో చిర్రెత్తుకొచ్చిన డెలిగేట్లు ఏకంగా అక్కడ కౌంటరను పీకి పాకం పట్టారు. పోలీసులు వచ్చేలోపే ఆకౌంటర్ నేలమట్టం అయ్యింది. దీనితో చేతులెత్తేసిన నిర్వాహకు అక్కడి నుంచి పలాయనం చిత్తగించారు. అంతా అయిపోయిన తరువాత పోలీసులు ఎంట్రీ ఇవ్వడంతో అక్కడున్నవారంతా తెల్లమొహం వేశారు. ఉదయం నుంచి డెలిగేట్ రిజిస్ట్రేషన్లు చేయించుకున్నవారికి చాలా ఆలస్యంగా కిట్లు పంపిణి చేశారు. దీనితో చాలా మంది స్టాళ్లను సందర్శించడానికి వెళ్లకుండా అయిపోయిందని డెలిగేట్లు ఆరోపించారు.
