చేనేత జౌళి శాఖ ఆధ్వర్యంలో శ్రీకాకుళంలో ఈ నెల 19నుంచి వారం రోజులు పాటు శ్రీకాకుళం టౌన్ హాల్ లో చేనేత వస్త్ర ప్రదర్శన (ఎగ్జిబిషన్) ఏర్పాటు చేస్తున్నట్టు జిల్లా హ్యాండ్లూమ్స్ అండ్ టెక్స్‌టైల్స్ అధికారి ఐ. ధర్మారావు తెలిపారు. ఈ మేరకు శుక్రవారం జిల్లాలో మీడియాకి ప్రకటన విడుదల చేశారు. ఈ ప్రదర్శనలో మన రాష్ట్రం ఉత్పత్తులే కాకుండా ఇతర రాష్ట్రాల నుండి నాణ్యమైన చేనేత ఉత్పత్తులను ఒకే వేదికపై తక్కువ ధరలకు వినియోగదారులకు అందుబాటులో ఉంచుతామన్నారు. చేనేత నేత కార్మికులకు నిరంతరం ఉపాధి కల్పించేందుకు చేనేత నేత సహకార సంఘాల చేనేత ఉత్పత్తులను విక్రయిస్తున్నట్టు పేర్కొన్నారు. నగర వాసులు, జిల్లా వాసులు అందరు ఈ ఎగ్జిబిషన్ సందర్శించి చేనేత కార్మికులను ప్రోత్సాహించాలని ఆయన మీడియాకి విడుదల చేసిన ప్రకటనలో కోరారు.
