సమాజాభివృద్ధిలో జర్నలిస్టుల పాత్ర కీలకమైనదని, వారు నవ సమాజ ప్రగతి సాధకులని ఏయూ వైస్ ఛాన్సలర్ ఆచార్య పీవీజీడీ ప్రసాదరెడ్డి కొనియాడారు. ఆంధ్రప్రదేశ్ వర్కింగ్ జర్నలిస్టుల ఫెడరేషన్, బ్రాడ్ కాస్ట్ జర్నలిస్టు అసోసియేషన్లు విశాఖజిల్లా యూనిట్లు సంయుక్తంగా ఆదివారం ఏయూ డాక్టర్ బి.ఆర్ అంబేద్కర్ అసెంబ్లీహాలులో శ్రీ శోభకృత్ నామ సంవత్సర ఉగాది సంబరాలను ఘనంగా నిర్వహించాయి. ఈ సందర్భంగా ప్రముఖ పండితులు కిరణ్ కృష్ణ పంచాంగ శ్రవణం నిర్వహించారు. సంగీత కార్యక్రమాలతో పాటు క్లాసికల్ నృత్య ప్రదర్శనలు ఆకట్టుకున్నాయి. అధ్యక్షులు ఇరోతి ఈశ్వరరావు,ఏపీడబ్ల్యూజేఎఫ్ ఆర్గనైజింగ్ సెక్రటరీలు డి. రవికుమార్, ఎ. సాంబశివరావు,జాతీయ కౌన్సిల్ సభ్యులు జి. శ్రీనివాసరావు,ఉపాధ్యక్షులు ఎన్. రామకృష్ణ, కె. మురళీకృష్ణ, రంగాధామం,బొప్పన రమేష్,కోశాధికారి బి. సీతారామ మూర్తి,సం యుక్త కార్యదర్సులు పి. కామన్న, ఇజ్రాయిల్, రమణమ్మ,ఎం.వి.రాజశేఖర్ పాల్గొన్నారు.
