కేంద్ర ప్రభుత్వం దేశవ్యాప్తంగా పలు దేవాలయాల అభివృద్ధికి ప్రసాద్ పథకం ద్వారా నిధులు మంజూరు చేస్తుందని,అందులో భాగంగానే తొలి విడతగా సింహాచలం దేవస్థా నానికి మంజూరు చేసిన రూ.54 కోట్ల పనులను వేగవంతం చేసేవిధంగా సహకారం అందించాలని విశాఖ ఎంపీ ఎంవీవి సత్యనారాయణ ను సింహాచలం దేవస్థానం ధర్మక ర్తల మండలి సభ్యులు, విశాఖ అంతర్జాతీయ విమానాశ్రయం సలహా మండలి సభ్యులు జాతీయ జర్నలిస్ట్ లు సంఘం కార్యదర్శి వైజాగ్ జర్నలిస్ట్ లు ఫోరం అధ్యక్షులు గంట్ల శ్రీనుబాబు కోరారు. శనివారం ఎంపీ ని క్యాంప్ కార్యాలయంలో మర్యాదపూర్వకంగా కలుసుకొని శ్రీను బాబు ఘనంగా సత్కరించి సింహాద్రినాధుని జ్ఞాపిక బహుకరిం చారు. ఈ సందర్భంగాఆయన మాట్లాడుతూ సింహాచలం దేవస్థానానికి తొలి విడతగామంజూరుచేసిన నిధుల పనులు ప్రారంభం కాలేదని ఎంపికి వివరిం చారు. పర్యాటక శాఖ ద్వారా ఈపనులు పూర్తిచేయాల్సి ఉందన్నారు. ఇందుకు కేంద్ర రాష్ట్ర ప్రభుత్వాల నుంచి తగిన సహకారం అందించే విధముగా కృషి చేయాలని కోరా రు. అలాగే2వ విడత నిధులు మంజూరుకు సహకారం అందించాలన్నారు. ఎంపీ ఎంవీవీ సత్యనారాయణ సానుకూలంగా స్పందించి తన వంతు సహకారం అందిస్తానన్నా రని శ్రీను బాబుకి హామీ ఇచ్చారు.
