అనకాపల్లిజిల్లాలో ఎక్కడైనా గర్భస్థ పిండ నిర్ధారణ పరీక్షలు చేసినట్లయితే వారిపై చట్ట ప్రకారం చర్యలు తీసుకోవాలని జిల్లా కలెక్టర్ రవి పట్టన్ శెట్టి అధికారులను ఆదేశిం చారు. శనివారం ఆయన వెబ్ఎక్స్ వీడియో కాన్ఫరెన్స్ ద్వారా జిల్లాస్థాయి అడ్వైజరీ కమిటీ సమావేశం నిర్వహించారు. ఈ సందర్భంగా కలెక్టర్ మాట్లాడుతూ వ్యాధుల గుర్తింపు తదితర పరీక్షలకు నిర్వహించే యంత్రాలతో పిండ పరీక్షలు చేయకుండా నిరోధించాలన్నారు. అటువంటి వారిపై క్రిమినల్ కేసు నమోదు చేయాలన్నారు. ఆడపిల్ల లు తక్కువగా ఉన్న మండలాలను గుర్తించి ఆ ప్రాంతంలో అవగాహన కార్యక్రమాలు నిర్వహించాలన్నారు. అధికారులు విధిగా స్కానింగ్ సెంటర్లను తనిఖీ చేయాలని చ ట్టంపై విస్తృతమైన ప్రచారం చేయాలని పిలుపునిచ్చారు. ఈకార్యక్రమంలో జిల్లా వైద్య ఆరోగ్య శాఖ అధికారి డా.ఏ.హేమంత్ అడిషనల్ జిల్లా జడ్జి, అడిషనల్ ఎస్పీ, డాక్టర్ అనురాధ డాక్టర్ విజయకుమార్ పబ్లిక్ ప్రాసిక్యూటర్ వెంకటరావు, డి ఐ ఓ డాక్టర్ మురళీధర్ పాల్గొన్నారు.