స‌మ‌ర్ధ‌వంత‌మైన ప‌నితీరుతో, రెవెన్యూ స‌ర్వేశాఖ‌ల ప్ర‌తిష్ట‌ను పెంచాల‌ని, జాయింట్ కలెక్టర్ కె.మ‌యూర్ అశోక్ కోరారు. రీ సర్వేలో జిల్లాను రాష్ట్రంలోనే మొదటి స్థానంలో నిల‌పాల‌ని ఆయ‌న పిలుపునిచ్చారు. ఎపి సివిల్ స‌ర్వీసెస్ కాండ‌క్ట్ రూల్స్‌పై స‌ర్వేయ‌ర్లు, విఆర్ఓలు, స‌చివాల‌య సిబ్బందికి క‌లెక్ట‌రేట్ ఆడిటోరియంలో మంగ‌ళ‌వారం శిక్ష‌ణా కార్య‌క్ర‌మాన్ని నిర్వ‌హించారు. ఈ కార్య‌క్ర‌మాన్ని ప్రారంభించిన జెసి మ‌యూర్ అశోక్ మాట్లాడుతూ, రీ స‌ర్వే రాష్ట్రంలో జ‌రుగుతున్న అత్యంత ప్ర‌తిష్టాత్మ‌క కార్య‌క్ర‌మంగా పేర్కొన్నారు. రీస‌ర్వేలో మ‌న జిల్లా 60శాతం పూర్తి చేసుకొని ఇప్ప‌టికే ముందంజ‌లో ఉంద‌ని, మొత్తం ప్ర‌క్రియ‌ను త్వ‌ర‌గా పూర్తిచేసి, రాష్ట్రంలోనే మొదటి స్థానంలో నిల‌పాల‌ని కోరారు. దాదాపు వందేళ్ల త‌రువాత చేప‌ట్టిన రీస‌ర్వే ప్ర‌క్రియ‌లో, ఇత‌ర రాష్ట్రాలతో పోలిస్తే మ‌న రాష్ట్రం ఎంతో ముందుంద‌ని చెప్పారు. దీనికి స‌చివాల‌య వ్య‌వ‌స్థే కార‌ణ‌మ‌ని పేర్కొన్నారు.
గ్రామ స్థాయిలో కూడా ఉన్న‌త విద్యార్హ‌త‌ల‌తో కూడిన సుశిక్షితులైన సిబ్బంది అందుబాటులో ఉండ‌టం వ‌ల్ల ఏ ప్రభుత్వ కార్య‌క్ర‌మాన్ని అయినా విజ‌య‌వంతంగా అమ‌లు చేయ‌గ‌లుగుతున్నామ‌ని అన్నారు. ఇంత గొప్ప నెట్‌వ‌ర్క్ ఏ రాష్ట్రంలోనూ లేద‌ని, అందుకే మ‌న స‌చివాల‌య వ్య‌వ‌స్థ ఇత‌ర దేశాల‌కు సైతం ఆద‌ర్శంగా నిలిచింద‌ని చెప్పారు. ఎన్నో వివాదాల‌కు భూములే కార‌ణ‌మ‌ని, రీ స‌ర్వే పూర్తి అయితే చాలా వివాదాల‌కు ప‌రిష్కారం ల‌భిస్తుంద‌ని అన్నారు. చ‌ట్టాల ఆధారంగా ప్రభుత్వ పాల‌నా వ్య‌వ‌స్థ ప‌నిచేస్తుంద‌ని, అందువ‌ల్ల చ‌ట్టాలు, ప్రభుత్వ నిబంధ‌న‌ల ప‌ట్ల సిబ్బంది సంపూర్ణ అవ‌గాహ‌న ఏర్ప‌ర‌చుకోవాల‌ని సూచించారు. స‌ర్వేయ‌ర్లు, స‌చివాల‌య సిబ్బంది త‌మ జాబ్ చార్ట్ ప‌ట్లా, విధులు, నిబంధ‌న‌లు, చ‌ట్టాల‌పై ప‌ట్టు పెంచుకోవాల‌న్నారు. స‌ర్వేయ‌ర్లు ఒక‌ర‌కంగా లీగ‌ల్ అసిస్టెంట్లుగా పేర్కొన్నారు. రెవెన్యూ, స‌ర్వే శాఖ‌లు స‌మ‌న్వ‌యంతో ప‌నిచేయాల‌ని సూచించారు. మ‌న‌కు ఎంతో ఆధునిక సాంకేతిక ప‌రిజ్ఞానం అందుబాటులో ఉంద‌ని, దానిని వినియోగించుకోవాల‌ని జెసి కోరారు.
ఈ శిక్ష‌ణా కార్య‌క్ర‌మంలో కెఆర్ఆర్‌సి ప్ర‌త్యేక ఉప కలెక్టర్ సూర్య‌నారాయ‌ణ, స‌ర్వేశాఖ ఎడి టి.త్రివిక్ర‌మ‌రావు, జిల్లా శిక్ష‌ణా కేంద్రం మేనేజ‌ర్ ఎన్‌.శ్రీ‌నివాసులు తదిత‌రులు పాల్గొన్నారు.
