ఎగ్జిక్యూటివ్ ఇంజనీర్ శ్రీనివాసరాజు వీరికి వివిధ క్యూలైన్లు చూపించారు. గత ఏడాది ఏర్పాటుచేసిన క్యూలైన్ లకు ఈ ఏడాది ఏర్పాటుచేసిన వాటికి వ్యత్యాసం అడిగి తెలుసుకున్నారు. క్యూలైన్లు వేగవంతంగా  సాగేందుకు అవసరమైన ఏర్పాట్లు చేపట్టాలని దేవస్ధానం అధికారులు కి కలక్టర్ సూచించారు. భక్తులు ఎక్కువసేపు వేచి చూడకుండా వేగవంతంగా సంతృప్తికరమైన దర్శనం కల్పించేలా చూడాలని కోరారు. అనంతరం ఆలయ ప్రాంగణం తో పాటు వివిధ మార్గాల రూట్లను పరిశీలించారు. సామాన్య భక్తులతో పాటు వీఐపీ , ప్రోటోకాల్  ప్రముఖులు కూడా ఎటువంటి ఇబ్బందులు లేకుండా స్వామి ను దర్శించుకోవాలని  అందుకు తగ్గ ఏర్పాట్లు చేద్దామని అధికారులు చర్చించారు.అనంతరం కలెక్టర్, పోలీస్ కమిషనర్ సంయుక్తంగా ఏఏ మార్గాల్లో ఎటువంటి జాగ్రత్తలు తీసుకోవాలని కాసేపు మాట్లాడుకున్నారు. అప్పన్న ధర్మకర్తల మండలి సభ్యులు గంట్ల శ్రీనుబాబు మాట్లాడుతూ గత ఏడాది నిజరూప దర్శనం ఉత్సవం పూర్తి స్థాయి లో విజయవంతం  ఐయ్యిందన్నరు.

 ఉత్సవం ప్రారంభ దశలో వర్షం కురవడము వల్ల కొద్ది పాటి   ఇబ్బందులు ఎలా ఎదుర్కొన్నది కలక్టర్ కు తెలియజేశారు. ఐతే ఈ ఏడాది ఎటువంటి ఇబ్బందులు లేకుండా అందరి సహకారము తో చందనోత్సవం విజయవంతం చేద్దామని కలక్టర్ మల్లికార్జున అన్నారు..  అన్ని ఏర్పాట్లు పూర్తి స్థాయి లో పక్కాగా చేసుకోవాలి అన్నారు. ఆనంతరం వీరు సింహాద్రి నాథుడు ను దర్శించుకున్నారు.. ప్రత్యేక పూజలు వీరి పేరిట నిర్వహించారు.ఆలయ ఈఓ త్రినాధ్ రావు తీర్ధ ప్రసాదాలు అందజేశారు.. అప్పన్న ధర్మ కర్తల మండలి సభ్యులు దినేష్ రాజ్, సంపంగి శ్రీను, వివిధ విభాగాల అధికారులు పాల్గొన్నారు.