ఆంధ్ర ప్రదేశ్ రాష్ట్ర ప్రాదేశిక సముద్ర జలాలలో చేపలవేట చేసే మెకనైజడ్, మోటారు బోట్లు ద్వారా నిర్వహించే అన్నిరకాల చేపల వేటను ఏప్రిల్ 15నుంచి జూన్ 14వరకు 61 రోజులు నిషేధిస్తూ రాష్ట్ర ప్రభుత్వం జి. ఓ ఆర్ టి సంఖ్య 76ను జారీ చేసిందని విజయనగరం జిల్లా మ త్స్యశాఖ ఉప సంచాలకులు ఎన్.నిర్మలకుమారి తెలియజేశారు. ఈ మేరకు మంగళవారం ఆమె తన కార్యాలయంలో మీడియాతో మాట్లాడా రు. వివిధ చేపలు, రొయ్యల జాతులు సంతానోత్పత్తి కాలములో తల్లి చేపలు, రొయ్యలను సంరక్షించడం, వాటి సంతతి పెరుగుదలను ప్రోత్స హించే కార్యక్రమంలో భాగంగా ఈ నిషేధాన్ని ప్రభుత్వం అమలు చేస్తున్నదన్నారు. తద్వారా సముద్ర మత్స్య సంపద సుస్థిరతను సాధించవ చ్చునని ఆమె వివరించారు. ఉత్తర్వులు అతిక్రమించిన వారిపై కఠిన చర్యలు తీసుకుంటామని కూడా డిడి నిర్మలకుమారి హెచ్చరించారు. మత్స్య శాఖ, కోస్ట్ గార్డ్, కోస్టల్ సెక్యూరిటీ పోలీస్, నేవీ అధికారులతో గస్తీ ఏర్పాటు చేశామన్నారు.
