జగనన్న వసతి దీవెన క్రింద రాష్ట్ర ముఖ్య మంత్రి వై ఎస్ జగన్మోహన్ రెడ్డి జిల్లాలో 41.17కోట్ల రూపాయలు విద్యార్ధుల తల్లుల ఖాతాల్లో జమ చేశారు. బుధవారం అనంతపురం జిల్లా, నార్పల లో ఏర్పాటు చేసిన బహిరంగ సభలో పాల్గొని ముఖ్యమంత్రి వె.యస్.జగన్మోహన్ రెడ్డి వర్చు వల్ విధానం ద్వారా 2022-23 విద్యా సంవత్సరం సంబంధించి తల్లుల బ్యాంకు ఖాతాల్లో జమ చేశారు. ఈ కార్యక్రమాన్ని రాష్ట్ర స్థాయిలో సీఎం ప్రారంభించగా, జిల్లా స్థాయిలో కలెక్టరేట్ వీడియో కాన్ఫరెన్స్ హాలులో జిల్లా కలెక్టర్ ఆధ్వర్యంలో నిర్వహించడం జరిగింది. ముఖ్య మంత్రి కార్యక్రమాన్ని ప్రత్యక్ష ప్రసారం ద్వారా వీక్షించిన అనంతరం విశాఖపట్నం జిల్లాలో జిల్లా వ్యాప్తంగా రూ.41,17,45,000 మొత్తాన్ని మెగా చెక్కు రూపంలో జిల్లా కలెక్టర్ డా.ఏ.మల్లిఖార్జున ప్రజా ప్రతినిధులతో తో కలిసి లబ్ధిదారులకు అందజేసారు.
తదుపరి జిల్లా కలెక్టర్ మాట్లాడుతూ జగనన్న వసతి దీవెన క్రింద జిల్లాలో ఐటిఐ, పాలిటెక్నిక్, డిగ్రీ, పోస్టు గ్రాడ్యుయేషన్, ఇతర ప్రొఫెషనల్ కోర్సులు చదువుకుంటున్న విద్యార్ధులకు స్కాలర్ షిప్లు లభించాయని తెలిపారు. విశాఖపట్నం జిల్లాకు 43,938 మంది విద్యార్ధులకు సంబంధించి వారి తల్లుల బ్యాంకు ఖాతాల్లో 41.17 కోట్ల రూపాయలు జమ చేసినట్లు తెలిపారు. ఇందులో 4,238 మంది ఎస్.సి విద్యార్థులు వారి తల్లుల ఖాతాల్లో 3.95 కోట్ల రూపాయలు, 168 మంది ఎస్.టి విద్యార్థుల తల్లులు ఖాతాల్లో 15.52లక్షలు, 38,109 మంది బి.సి విద్యార్థుల తల్లులు ఖాతాల్లో రూ.35.72 కోట్లు, 1,423 మంది మైనారిటీ విద్యార్థుల తల్లులు ఖాతాల్లో రూ.1.34 కోట్ల రూపాయలు జమ చేసినట్లు ఆయన తెలిపారు. విద్యార్థులకు వసతి దీవెన కు సంబంధించి ఏమైనా సమస్యలు ఉంటే సచివాలయం లో ఉండే సంబంధిత అధికారులకు తెలియజేసినట్లు అయితే వారు పరిష్కరిస్తారన్నారు.
జిల్లా నుండి ఈ కార్యక్రమంలో జాయింట్ కలెక్టర్ కె.యస్ విశ్వనాథన్, సాంఘిక సంక్షేమ శాఖ జాయింట్ డైరెక్టర్ రమణ మూర్తి, జిల్లా బి. సి సంక్షేమాధికారి శ్రీదేవి, డిసిఎంఎస్ చైర్ పర్సన్ పల్లా చిన్నతల్లి, నగరాల కార్పొరేషన్ చైర్ పర్సన్ పిళ్ళా సుజాత , రెల్లి కార్పొరేషన్ చైర్మన్ మధుసూదన్ , యాత కార్పొరేషన్ చైర్ పర్సన్ పిళ్ళా సుజాత నూకరాజు , నాగవంశం సంక్షేమ కార్పొరేషన్ చైర్ పర్సన్ అప్పలకొండమ్మ , పలువురు విద్యార్థులు పాల్లొన్నారు.
