మత్స్యకారులు సముద్ర జలాల్లో వేటకు వెళ్లే సమయంలో రక్షణ చర్యలు ఖచ్చితంగా పాటించడం ద్వారా ప్రాణ రక్ష జరుగుతుందని విజయ నగరం జిల్లా మత్స్య శాఖ ఉప సంచాలకులు ఎం. నిర్మల కుమారి పేర్కొన్నారు. ప్రధానమంత్రి మత్స్య సంపద యోజన పధకం క్రింద 30 మంది సముద్ర మత్స్యకారులకు “సముద్ర రక్షణ పరికరాలు మరియు భద్రత” అనే అంశంపై ౩ రోజులపాటు ఫిష్ సీడ్ ఫారం లో నిర్వహించి న నైపుణ్యాభివృద్ది శిక్షణా కార్యక్రమంలో ఆమె పాల్గొని ప్రసంగించారు. ప్రభుత్వం చేపట్టే అన్ని అభివృద్ధి, సంక్షేమం కార్యక్రమాలను మత్స్య కారుల సద్వినియోగం చేసుకొని లబ్దిపొంది అభివృద్ధి చెందాలని ఆకాంక్షించారు. చేపల వేటకు వెళ్ళేటప్పుడు ఉపయోగించాల్సిన రక్షణ చ ర్యలు, ఆ సమయంలో ఉపయోగించాల్సిన పరికరాలపై పూర్తిస్థాయిలో అవగాహన పెంచుకోవాలన్నారు. అంతేకాకుండా తమ తమ గ్రామాల లో మిగిలిన ఇతర మత్స్యకారులకు తెలుసుకున్న విషయాలను చెప్పాలన్నారు. మత్స్యకారులకు సముద్రంలో చేపల వేటకు వెళ్ళేటప్పుడు ఉపయోగించాల్సిన రక్షణ పరికరాల వివరాలు, వాటి వినియోగంపై విశాఖపట్నం సెంట్రల్ ఇన్ స్టిట్యూట్ ఆఫ్ ఫిషరీస్, నాటికల్ అండ్ ఇంజ నీరింగ్ ట్రైనింగ్ యునిట్ ప్రతినిధులు అవగాహన కల్పించారు. ఈ శిక్షణా కార్యక్రమంలో జిల్లా మత్స్యాకార సహకర సంఘం అధ్యక్షులు బర్రి చిన్నప్పన్న, సిఐఎఫ్ట టి ప్రతినిధులు డా. ఎం.ఆర్. మహాదేవ్ కొంకణి, అభిషేక్, నిశిత్, ఎఫ్డీఓ యు.చాందిని, ఇతర మత్స్య శాఖ సిబ్బంది, మత్స్యకారులు పాల్గొన్నారు.
