స్పందన, జగనన్నకు చెబుదాం కార్యక్రమాలలో వచ్చిన ఫిర్యాదులకు అత్యంత ప్రాధాన్యత ఇవ్వాలని అనకాపల్లి జిల్లా కలెక్టర్ రవి పట్టన్ శెట్టి అధికారులను ఆదేశించారు. జిల్లా కలెక్టర్ కార్యాలయంలో నిర్వహించిన స్పందన కార్యక్రమంలో ఆయన ప్రజల నుండి అర్జీలు స్వీకరించారు.  మండల ప్రత్యేక అధికారులు ఫిర్యాదులు దరఖాస్తులను త్వరితగతిన పరిష్కరించేలా చూడాలన్నారు.  ప్రతి సోమవారం జిల్లా కేంద్రంలో స్పందన కార్యక్రమానికి వచ్చే సమయంలో జిల్లా శాఖల అధికారులు పూర్తి వివరాలతో రావాలన్నారు. గృహ నిర్మాణం, నాడు నేడు, ఇంజనీరింగ్ పనులు, అంగన్వాడి సెంటర్లు, హెల్త్  క్లినిక్ లు, వ్యర్ధాల నిర్వహణ మొదలైన వాటికి ప్రాధాన్యతనిచ్చి వెంటనే పనులు జరిగేటట్లు చూడాలన్నారు. ప్రభుత్వ సంక్షేమ పథకాలు అర్హులైన వారందరికీ అందేలా తక్షణ చర్యలు తీసుకోవాలని ఆదేశాలిచ్చారు. ఈ కార్యక్రమంలో జాయింట్ కలెక్టర్ ఎం. జాహ్నవి, డిఆర్వో పి.వెంకటరమణ, అన్ని శాఖల జిల్లా అధికారులు పాల్గొన్నారు.