ఏపీ సీఎం వైఎస్.జగన్మోహనరెడ్డి పాదయాత్రలో ఇచ్చిన హామీ మేరకు ఉద్యోగులకు అందరికీ ఓపిఎస్ అమలుచేయాలని ఎపిసిపిఎస్ ఎంప్లాయీస్ యూనియన్ రాష్ట్ర క్రమ శిక్షణ కమిటీ చైర్మన్, జిల్లా అధ్యక్ష కార్యదర్శులు కొండారెడ్డి, ఖాదర్ బాషాలు డిమాండ్ చేశారు. ఈమేరకు డా.వైఎస్సార్ కడపలో మీడియాకి ప్రకటన విడుదల చేశారు. ఓ పిఎస్ కు ప్రత్యామ్నాయంగా ఉద్యోగులు దేన్నీ ఒప్పుకోరని..ఉద్యోగుల భద్రత ప్రజా సంక్షేమం ప్రభుత్వానికి రెండు కళ్ళు అన్నారు. ప్రజా సంక్షేమం కోసం ఉద్యో గుల హక్కు లను హరించివేకూడదని వారికి అందవలసిన వేతన బత్యాలు సకాలంలో అందచేయాలని కోరారు. ఉద్యోగులు స్వేచ్ఛగా పనిచేసుకునే వెసులుబాటు కలిగించాలని, జీవి తం మొత్తం ప్రభుత్వ ఉద్యోగిగా పని చేసి పదవీవిరమణ పొందిన ఉద్యోగికి చివరి కాలంలో ఆసరాగా నిలిచేది పెన్షన్ మాత్రమేనని పేర్కొన్నారు. ఉద్యోగులకు అందరికీ పాత పెన్షన్ పునరుద్ధరణ చేయాలని వారు విజ్ఞప్తి చేశారు.
