రాష్ట్ర ప్రభుత్వం ప్రతిష్టాత్మకంగా తీసుకున్న జ‌గ‌న‌న్న శాశ్వత భూహ‌క్కు-భూ ర‌క్ష కార్యక్రమం కింద ఇప్పటి వ‌ర‌కు కాకినాడ జిల్లాలో రీస‌ర్వే పూర్తయిన 11 మండ‌లాల్లోని 121 గ్రామాల‌కు సంబంధించి భూయ‌జ‌మానులు, ప‌ట్టాదారులు, రైతుల‌కు వివిధ సేవ‌ల‌ను గ్రామ స‌చివాల‌యాల్లో అందుబాటులోకి తీసుకొచ్చిన‌ట్లు కలెక్టర్ డా. కృతికా శుక్లా శుక్ర‌వారం ఓ ప్ర‌క‌ట‌న‌లో తెలిపారు. ల్యాండ్ పార్సిల్ నంబ‌ర్ ఆధారంగా ప‌ట్టాదారు ఆధార్ సీడింగ్, మ్యుటేష‌న్ బై క‌రెక్ష‌న్‌, ఆటోమేటిక్ ప‌ట్టాదార్ పాస్‌బుక్ ఆర్డ‌రింగ్‌, స‌బ్ డివిజ‌న్‌, ల్యాండ్ క‌న్వ‌ర్ష‌న్ స‌ర్వీసులు గ్రామ స‌చివాల‌యాల్లో అందుబాటులో ఉంటాయ‌న్నారు. భూ య‌జ‌మానులు/రైతులు త‌మ‌కు కావాల్సిన స‌ర్వీసు కోసం స‌చివాల‌య డిజిట‌ల్ అసిస్టెంట్ ద్వారా ఏపీసేవా పోర్ట‌ల్‌లో త‌గిన రుసుము చెల్లించి ద‌ర‌ఖాస్తు చేసుకోవ‌చ్చని కలెక్టర్ డా. కృతికా శుక్లా తెలిపారు. ఈ అవకాశాన్ని రీ సర్వే పూర్తయిన వారందరూ సద్వినియోగం చేసుకోవాలని కోరారు.
