సింహాచలం అప్పన్న గిరిప్రదక్షిణకు వరుణుడు అడ్డు తగిలాడు. ప్రదక్షిణ ప్రారంభం అయిన కొద్ది గంటలకే విశాఖలో వర్షం పడటంతో స్వామివారి ప్రదక్షిణకు ఆటంకం వాటిల్లింది. 32 కిలోమీటర్లు పాటు సాగే ఈయాత్రను విజయవంతం చేసేందుకు ధార్మిక సంస్థలు, స్వచ్చంద సంస్థలు దారి పొడవునా సీతల పానియాలు, ప్రసాదాలు, మం చినీరు, మజ్జిగ అన్నీ ఏర్పాటు చేశాయి. ఇటు జివిఎంసి కూడా ప్రత్యేకంగా స్టాల్స్ ను, మొబైల్ మరుగుదొడ్లను కూడా పెట్టింది. అంతా సజావుగా సాగుతుంద నుకునే లో పు వరుణుడి ప్రతాపానికి భక్తులు ఇబ్బందులు పడాల్సి వచ్చింది. అందులోనూ ఉదయం నుంచి ఎండ తీవ్రత అధికంగా వుంది. వర్షం కారణంగా భక్తుల ప్రదక్షిణకు ఆటం కం ఏర్పడింది. అప్పటికే కొందరు చమటలతో నడుస్తుండటం, మరికొందరు తడుస్తూనే యాత్రను కొనసాగించాల్సి వచ్చింది. అయితే కురుస్తున్న వర్షంతోపాటు ఉరుము లు, మెరుపులు భక్తులను అసహనానికి గురిచేశాయి.
