వైజాగ్ జర్నలిస్టుల ఫోరం (వీజేఎఫ్ -ప్రెస్ క్లబ్)ఆధ్వర్యంలో 77వ స్వాతంత్ర దినోత్సవ వేడుకలను ఘనంగా నిర్వహించారు. డాబా గార్డెన్స్ లోని సంస్థ ప్రధాన కార్యాలయం ఆవరణలో మంగళవారం నిర్వహించిన ఈ కార్యక్రమంలో పలువురు సీనియర్ జర్నలిస్టులు పాల్గొని స్వాతంత్ర సమరయోధులకు నివాళులర్పించారు. రైతు బజార్ లో కాయగూరలు అమ్ముకొని జీవన సాగిస్తున్న 90 ఏళ్ల వయసు కలిగిన నారాయణమ్మ జాతీయ జెండాను ఎగరవేశారు. ఈ సందర్భంగా సీనియర్ జర్నలిస్టులు మాట్లాడుతూ, ఎందరో మహనీయుల త్యాగఫలం మన స్వావాతంత్ర్యాన్ని స్మరించుకోవడం మన కర్తవ్యమన్నారు. బ్రిటిష్ వారి నుండి స్వాతంత్ర సిద్ధించడానికి దేశం కోసం ఎందరో ప్రాణ త్యాగాలు చేశారని చెప్పారు. వృద్ధ మహిళా రైతు నారాయణమ్మ లాంటి అనేకమంది శ్రమజీవులు శ్రమ ఫలితంగా దేశం ఇంతగా అభివృద్ధి చెందిందని చెప్పడానికే ఆమె చేత జాతీయ జెండాను ఆవిష్కరించమని తెలిపారు. స్వేచ్ఛ ,స్వాతంత్రాలతో అనేక హక్కులతో మన జీవిస్తున్నామంటే గాంధీ,సుభాష్ చంద్రబోస్, చంద్రశేఖర్ ఆజాద్,నెహ్రూ, పటేల్, భగత్ సింగ్ ,అల్లూరి సీతారామరాజు లాంటి అనేకమంది త్యాగ ఫలితం అన్నారు. స్వాతంత్ర ఉద్యమ కృషితోపాటు దేశ ప్రజలకు గొప్ప రాజ్యాంగాన్ని అందించిన ఘనత డాక్టర్ బి.ఆర్ అంబేద్కర్ దని పేర్కొన్నారు. ఆ మహానీయుల స్ఫూర్తితో వీజేఎఫ్ అభివృద్ధికి జర్నలిస్టుల హక్కుల సాధనకు కృషి చేద్దామని పిలుపునిచ్చారు.ఈ కార్యక్రమంలో వీజేఎఫ్ సభ్యులు, జర్నలిస్టులు టి.బంటయ్య ,పి.సత్యనారాయణ, బి.నారాయణరావు ,ఎస్వీ రమణ,ఎస్ సన్యాసిరావు, కె .పరశురాం , ఆర్.అబ్బాస్,బి.శివప్రసాద్ ,చొప్పాబాలకృష్ణ, దుంపల ప్రసాదరావు, పృధ్వి రాజు,యు. వి. రమణ మూర్తి , కె.కె. రెడ్డి, ఎమ్.శ్రీహరి , యెద్దు బాలకృష్ణ,అర్జున, కె.శివ,నటరాజు, మోహన్ ,బి. ఏ .నాయుడు, నరసింహం,సతీష్, శ్రీనివాస్, కె సంతోష్ కుమార్ తదితరులు పాల్గొన్నారు.
