ఏపీఎల్, ఎసిఎ ప్లాటినం జూబ్లీ వేడుకలను ఘనంగా నిర్వహించనున్నట్లు ఎసిఎ కార్యదర్శి శ్రీ ఎస్.ఆర్. గోపినాథ్ రెడ్డి వెల్లడించారు. ఈ కార్యక్రమాలకు ముఖ్య అతిథులుగా 83 వరల్డ్ హీరోలు రానున్నట్లు తెలిపారు. విశాఖలో శనివారం ఎసిఎ జాయింట్ సెక్రటరీ రాకేశ్ తో కలిసి ఎస్. ఆర్ . గోపినాథ్ రెడ్డి గారు మాట్లాడుతూ ఏసీఏ అధ్యక్షులు పి. శరత్ చంద్రా రెడ్డి గారి నాయకత్వంలో రాష్ట్రంలోని యువ క్రికెటర్ల లో దాగి ఉన్న ప్రతిభను గుర్తించి వారి గొప్ప అవకాశం కల్పించాలనే ఉద్దేశంతో గత ఏడాది ఏపీఎల్ - 1 ను అత్యంత ప్రతిష్టాత్మకంగా నిర్వహించాము. ప్రస్తుతం ఏపీఎల్ - 2 నిర్వహిస్తున్నాం. ఆదివారం వైజాగ్ లోని డాక్టర్ వైయస్సార్ ఎసి విడిసి స్టేడియంలో జరగనున్న ఏపీఎల్ ఫైనల్ కు మాజీ ఇండియా టెస్ట్ కెప్టెన్, బిసిసిఐ సీనియర్ సెలక్షన్ కమిటీ మాజీ చైర్మన్ శ్రీ కృష్ణమా చారి శ్రీకాంత్, అదేవిధంగా గౌరవ అతిథిగా మాజీ ఇండియా క్రికెటర్, ఇండియా నేషనల్ క్రికెట్ కోచ్ మదన్ లాల్ హాజరవుతారని వెల్లడించారు. ఏపీఎల్ ఫైనల్ మ్యాచ్ ను చూసేందుకు ఐపిఎల్ టీం స్కౌట్స్ వచ్చారని, దీంతో యువ క్రీడాకారులకు భవిష్యత్తు ఉంటుందని తెలిపారు.
ఏసీఏ ప్లాటినం జూబ్లీ వేడుకలకు ముఖ్య అతిథిగా బిసిసిఐ ప్రెసిడెంట్ శ్రీ రోజర్ బిన్నీ, గౌరవ అతిథిగా మాజీ ఇండియన్ క్రికెటర్, ఇండియా నేషనల్ క్రికెట్ కోచ్ శ్రీ మదన్ లాల్ హాజరు అవుతారని తెలిపారు. ఈ సందర్భంగా మాజీ మెన్, ఉమెన్ రంజీ ప్లేయర్లు, కెప్టెన్లు, ఏసీఏ సిబ్బందితో ఆయన 600 మంది ఎసిఎ సిబ్బంది తదితరులతో ఆయన ఇంటరాక్ట్ అవుతారని వెల్లడించారు. అదేవిధంగా తొలి భారత టెస్ట్ కెప్టెన్, ఆంధ్ర రంజీ ట్రోపి జట్టుకు మొదటి కెప్టెన్ కల్నల్ సి. కె. నాయుడు గారి కుటుంబ సభ్యులను సన్మానిస్తామని తెలిపారు. బిసిసిఐ ప్రెసిడెంట్ రోజర్ బిన్నీ వైజాగ్ రావడం వల్ల రాష్ట్రానికి గుర్తింపు ఉంటుందని తెలిపారు. ఈ సందర్భంగా స్టేడియం ప్రాంగణంలో ఎసిఎ మాజీ కార్యదర్శి శ్రీ ఎన్. వెంకట రావ్ గారి పేరిట స్టాండ్ ను ఏర్పాటు చేయనున్నట్లు తెలిపారు.
