లబ్దిదారులు ఇళ్ల నిర్మాణాన్ని త్వరగా పూర్తి చేయాల‌ని జిల్లా కలెక్టర్ నాగ‌ల‌క్ష్మి కోరారు. రాష్ట్రంలోని ఇళ్ల నిర్మాణ ల‌బ్దిదారుల‌కు ముఖ్య‌మంత్రి వైఎస్ జ‌గ‌న్ మోహ‌న‌రెడ్డి వీడియో కాన్ఫ‌రెన్స్ ద్వారా వడ్డీ రాయితీ జ‌మ చేశారు. తాడేప‌ల్లిలోని సిఎం క్యాంపు కార్యాల‌యంలో గురువారం ఈ కార్య‌క్ర‌మం జ‌రిగింది. దీనిలో భాగంగా జిల్లాలోని సుమారు 29,686 మంది ల‌బ్దిదారుల‌కు రూ.301 కోట్లు వడ్డీ రాయితీ ని జ‌మ చేశారు. దీనికి సంబంధించిన చెక్కును ల‌బ్దిదారుల‌కు కలెక్టర్ అంద‌జేశారు. ఈ సంద ర్భంగా కలెక్టర్ మాట్లాడుతూ, పొదుపు సంఘాల ద్వారా ఇళ్ల నిర్మాణ ల‌బ్దిదారుల‌కు ప్ర‌భుత్వం రూ.35వేల‌ను రుణంగా మంజూరు చేసింద‌న్నారు. వారికి వడ్డీ రాయితీ కింద జిల్లాలో రూ.3.01 కోట్ల‌ను సుమారు 29,686 మందికి జ‌మ చేయ‌డం జ‌రిగింద‌న్నారు. ఇళ్ల‌ను పూర్తి చేయ‌డానికి ల‌బ్దిదారుల‌కు ప్ర‌భుత్వం ప‌లు రాయితీల‌ను ఇస్తోంద‌ని చెప్పారు. ఉచితంగా ఇసుక‌ను, సిమ్మెంటు, ఐర‌న్ కూడా స‌బ్సిడీ ధ‌ర‌పై స‌ర‌ఫ‌రా చేస్తున్నామ‌ని చెప్పారు. అలాగే ఇచ్చిన రుణాల‌కు వడ్డీ రాయితీని కూడా ప్ర‌భుత్వం అంద‌జేస్తోంద‌ని తెలిపారు. వీట‌న్నిటినీ ఉప‌యోగించుకొని లబ్దిదారులు త‌మ ఇళ్ల‌ను త్వరగా పూర్తి చేసుకోవాని కోరారు. ఇప్ప‌టికే కాల‌నీల్లో త్రాగునీరు, విద్యుత్ లాంటి క‌నీస స‌దుపాయాల‌ను క‌ల్పించ‌డం జ‌రిగింద‌ని, ఇళ్ల నిర్మాణం పూర్తి అయితే ఇత‌ర మౌలిక వ‌స‌తులను క‌ల్పిస్తామ‌ని కలెక్టర్ చెప్పారు. ఈ కార్య‌క్ర‌మంలో హౌసింగ్ పిడి శ్రీ‌నివాస‌రావు, డి.ఇ.లు, ఏ.ఇ.లు, సిబ్బంది, లబ్దిదారులు పాల్గొన్నారు.
