ఎన్టీఆర్ జిల్లా కలెక్టర్ గా డైనమిక్ ఐఏఎస్ అధికారి డా.జి.లక్ష్మీషాను నియమిస్తూ రాష్ట్ర ప్రభుత్వ ప్రధాన కార్యదర్శి నీరబ్ కుమార్ ప్రసాద్ ఉత్త ర్వులు జారీ చేశారు. ఈ మేరకు ఆదివారం జిఓనెంబరు-1884ను విడుదలచేశారు. లక్ష్మీషా గతంలో ఆంధ్రప్రదేశ్ మెడికల్ సర్వీసెస్ అండ్ ఇన్ఫ్రాస్ట్రక్చర్ ఎండీగా పనిచేశారు. దానికంటే ముందు గ్రామ, వార్డు సచివాలయశాఖ డైరెక్టర్ గా కూడా పనిచేశారు. ఆయన పనిచేసిన సమ యంలో గ్రామ, వార్డు సచివాలయశాఖలో ఉద్యోగులకు పదోన్నతుల ప్రక్రియ మొదలు పెట్టి కొందరికి పదోన్నతులు రావడానికి ఎంతో కృషిచే శారు.  ముక్కుసూటి అధికారిగా, ప్రభుత్వ సంక్షేమ పథకాలను పూర్తిస్థాయిలో అమలు చేసే అధికారిగా ఈయనకు పేరుంది. అలాంటి మంచి అధికారిని  ప్రభుత్వం ఐఏఎస్ అధికారుల బదిలీల్లో ఎన్టీఆర్ జిల్లా కలెక్టర్ గా నియమించింది. ఈయన రాకతో ఎన్టీఆర్ జిల్లాలో ప్రభుత్వ పరిపా లన గాడిలో పడటంతోపాటు. ప్రజాసమస్యల పరిష్కారానికి కూడా పెద్ద పీట లభించనుంది.