శ్రీకాకుళం జిల్లా ఇచ్చాపురం మున్సిపాలిటీలో కేసులు పెరుగుతున్న నేపథ్యంలో  మరింత  అప్రమత్తంగా ఉండాల్సిన అవసరం ఉందని  జిల్లా కలెక్టర్ జె నివాస్ చెప్పారు. ఇచ్చాపురం మున్సిపల్ కార్యాలయంలో వివిధ విభాగాల అధికారులతో సమీక్ష సమావేశం నిర్వహించారు. అనంతరం మీడియాతో మాట్లాడుతూ ఇచ్చాపురంలో కరోనా కేసులు పెరుగుతున్నాయని, కంటైన్మెంట్ జోన్స్ పెరుగుతున్నాయని అన్నారు. స్లమ్ ఏరియా లో, కంటైన్మెంట్ జోన్స్ లో ప్రతి ఇంటి నుండి శాంపిల్స్ సేకరించి వేగవంతం చేయాలని వివరించారు. బేల్లుపడ, రత్తకన్న , కండర వీధులలో కరోనా మరింత వేగవంతం  అవుతున్న నేపథ్యంలో ఈ ప్రాంతంలో పరీక్షలు జరపటానికి ప్రతి ఒక్కరూ సహకరించాలని తెలిపారు.    సర్కిల్ ఇన్స్పెక్టర్ ఏం.వినోద్ బాబు,  కమీషనర్ రామలక్ష్మి, వైద్య సిబ్బందికి ఇతర అధికారులకు జిల్లా కలెక్టర్ పలు సూచనలు చేశారు.