శ్రీకాకుళం జిల్లాలో వివాహ వేడుకలకు మండల స్ధాయిలో అనుమతులు తీసుకోవచ్చని జిల్లా కలెక్టర్ జె నివాస్ బుధ వారం ఒక ప్రకటనలో తెలిపారు. కరోనా మహమ్మారి వ్యాప్తి నేపధ్యంలో ప్రభుత్వం పలు ఆదేశాలు జారీ చేసిందని ఆయన పేర్కొన్నారు. వివాహాలు నిర్వహించుకనే వారు కనీసం ఐదు రోజులు ముందు సంబంధిత మండల తహశీల్దారుకు, పోలీసు సబ్ ఇన్స్పెక్టర్ కు వివరాలు అందించాలని ఆయన స్పష్టం చేసారు. ప్రభుత్వ అనుమతులకు మించి బంధు మిత్రులను ఆహ్వానించరాదని కలెక్టర్ అన్నారు. అనుమతులు తీసుకున్నప్పటికి కరోనా వ్యాప్తి జరగకుండా అన్ని జాగ్రత్తలు పాటించాలని సూచించారు. మాస్కులు ధరించాలని, వ్యక్తుల మధ్యదూరం పాటించాలని, చేతులను సబ్బుతోగాని, శానిటైజర్ తోగాని తరచూ శుభ్రపరచుకోవాలని అన్నారు. నిబంధనలు అతిక్రమించిన వారిపై చర్యలు తీసుకోవడం జరుగుతుందని ఆయన తెలిపారు.