విజయనగరం జిల్లా కలెక్టర్ డాక్టర్ హరి జవహర్ లాల్ కు ఇటీవల మ్యాన్ ఆఫ్ ఎక్సలెన్స్ అవార్డు వచ్చిన సందర్భంగా సైనిక సంక్షేమ సంఘం సభ్యులు సోమవారం సత్కరించారు. సోమవారం కలెక్టర్ కార్యాలయంలో సంఘం సభ్యులు కలెక్టర్ ను దుస్సాలువతో ఘనంగా సత్కరించారు. ఈ సందర్భంగా సంఘం నేతలు మాట్లాడుతూ, అహర్నిశలూ శ్రమించి జిల్లాకు మంచి పేరు తీసుకొచ్చారని, ప్రజలకు ఎన్నో సేవలు అందించారని ఈ సందర్భంగా సభ్యులు కలెక్టరుని కొనియాడారు. విజియనగారాన్ని పచ్చదనంతో నింపాలని కంకణం కట్టుకున్న ఏకైక కలెక్టర్ డాక్టర్ హరిజవహర్ లాల్ మాత్రమేనన్నారు. కలెక్టర్ ను సత్కరించిన వారిలో జిల్లా సైనిక సంక్షేమ అధికారి మజ్జి కృష్ణారావు, సైనిక సంక్షేమ సంఘం సభ్యులు, మాజీ సైనికులు ఉన్నారు.