విశాఖపట్నం జిల్లా కొయ్యూరు మండలం చింతలపూడి, గింజర్తి మీదుగా బొర్రంపేట వెళ్లే రహదారి మధ్యలో కొండచరియలు విరిగి రోడ్డుపై పడుతున్నాయి. గత ఐదు రోజులుగా కురుస్తున్న భారీ వర్షాలకు కొండపై మట్టిపూర్తిగా నానిపోయి పెద్ద పెద్ద బండరాళ్లు రాహదారిపై పడుతున్నాయి. దీంతో ఈ రూటులో వెళ్లేవాహన చోదకులు తీవ్ర భయాందోళన చెందుతున్నారు. ఎప్పుడు బండరాళ్లు తమపై పడతాయోనని ఆందోలన చెందుతున్నారు. ఈ ప్రాంతీయులు కొండచరిలు విరిగి పడిన విషయాన్ని మీడియాకి ఫోటోలు తీసి పంపించారు. అదేవిధంగా ఈ ప్రాంతం యొక్క పరిస్థితిని వీడియోలు తీసి సచివాలయ వీఆర్వో ద్వార మండల రెవిన్యూ అధికారులకు తెలియజేశారు. రోడ్డు మధ్యలో కొండచరియలు విరిగి పడటంతో ఈ మార్గంలో రాకపోకలు పూర్తిగా నిలిచిపోయాయి.