కొత్త గాజువాక రాజీవ్ మార్గ్ లో వేంచేసియున్న శ్రీ సత్తమ్మతల్లి అమ్మవారి పండగ సందర్భంగా జిల్లా వైసీపీ ప్రధాన కార్యదర్శి తిప్పల దేవన్ రెడ్డి ప్రత్యేక పూజలు నిర్వహించారు. అనంతరం దేవన్ రెడ్డి మాట్లాడుతూ రాష్ట్రాన్ని గడగడలాడిస్తున్న కరోనా మహమ్మారి నుంచి ప్రజల్ని కాపాడాలని అమ్మవారిని వేడుకున్నట్లు తెలిపారు.సత్తమ్మతల్లి ఆశీస్సులు అందరిపై ఉండాలని ఆకాంక్షించారు. 65 వ వార్డు వైసీపీ కార్పొరేటర్ అభ్యర్థి బొడ్డు నరసింహ పాత్రుడు(కేబుల్ మూర్తి) విచ్చేసి అమ్మవారిని దర్శించుకున్నారు. భక్తులంతా కరోనా వైరస్ సందర్భంగా సామాజిక దూరం పాటిస్తూనే అమ్మవారిని దర్శించుకోవాలన్నారు. జాగ్రత్తలు పాటించాలన్నారు. అనంతరం అమ్మవారి చరిత్రను తెలిపే పుస్తకాన్ని ఆవిష్కరించారు.ఉత్సవ పర్యవేక్షకులు మద్దాల అప్పారావు,సూరిశెట్టి శివ, శరగడం కోటి, హరనాధ్,సత్తిబాబు, నర్సింగరావు తదితరులు ఈ కార్యక్రమంలో పాల్గొన్నారు.