మహా విశాఖపట్నం నగరపాలక సంస్థకు మార్చి, 14వ తేదిన జరగబోయే ఎన్నికలు పగడ్బందీగా నిర్వహించుటకు గాను రాష్ట్ర ఎన్నికల సంఘం జారీచేసిన ప్రవర్తనా నియమావళి అమలులో ఉన్నదని జివిఎంసి ఎన్నికల ప్రవర్తనా నియమావళిని పర్యవేక్షించే నోడల్ అధికారి మరియు ముఖ్య పట్టణ ప్రణాళికా అధికారి ఆర్. జె. విద్యుల్లత తెలిపారు. ఎన్నికల ప్రవర్తనా నియమావళి  అమలును  పర్యవేక్షించుటకు గాను, జోనల్ స్థాయిలో అధికారులను ఏర్పాటు చేయడమైనదని తెలిపారు. ముఖ్యంగా పోటీదారులు, వివిధ రాజకీయ పార్టీ ప్రతినిధులు, వ్యక్తులు, సంస్థలు మొదలగువారు ప్రవర్తనా నియమావళి నిబందనలను తు.చ. తప్పకుండా పాటించాలని కోరారు. ఏమైనా ప్రవర్తనా నియమావళి ఉల్లంఘనలు జరిగినచో ఆయా జోనల్ పరిధిలో గల ప్రవర్తనా నియమావళి టీం సభ్యులుకు గాని, సంబందిత రిటర్నింగు అధికారులకు గాని, జివిఎంసి ప్రధాన కార్యాలయపు ఫిర్యాదుల ఫోన్ నెంబర్లకు గాని తెలియ పరచవలసినదిగా పత్రికా ప్రకటన ద్వారా ముఖ్య పట్టణ ప్రణాళికా అధికారి మరియు జివిఎంసి ఎన్నికల ప్రవర్తనా నియమావళి నోడల్ అధికారి వారు కోరారు.