శ్రీకాకుళం జిల్లాలో నాలుగు విడతల గ్రామ పంచాయతీ ఎన్నికలు దిగ్విజయంగా నిర్వహించినందుకు జిల్లా కలెక్టర్ జె.నివాస్, పోలీసు సూపరింటిండెంట్ అమిత్ బర్దార్ ను మీడియా ప్రతినిధులు అభినందించారు. జిల్లా కలెక్టర్ కార్యాలయంలో సోమ వారం జిల్లా కలెక్టర్ నివాస్ కు దుశ్శాలువ, పుష్పగుచ్ఛంతో అభినందించారు. ఈ సందర్భంగా మీడియా ప్రతినిధులు మాట్లాడుతూ, ఎన్నికల నిర్వహణకు మీడియా పాసులు జారీ నుంచి మొత్తం నిర్వహణ ఎంతో చక్కగా చేశారని, అదే స్థాయిలో మున్సిపల్ ఎన్నికలు కూడా నిర్వహించాలని ఆకాంక్షించారు. ఈ కార్యక్రమంలో జిల్లా పౌరసంబంధాల అధికారి ఎల్.రమేష్, మీడియా ప్రతినిధులు శాసపు జోగినాయుడు, ఎస్.వి.రమణ, బి.అప్పల నాయుడు, నాగభూషణ రావు, టెంక శ్రీను, సురేష్, నరసు నాయుడు తదితరులు ఉన్నారు.