విశాఖపట్నం జిల్లాలో కరోనా వైరస్ నుండి ప్రజలను రక్షిస్తూ నాలుగు నెలల నుండి అలుపెరగని పోరాటం చేస్తున్న వైద్యులు, వైద్య సిబ్బంది కి నగరానికి చెందిన ఎన్ఆర్ఐ కుటుంబాలవారు మాస్కులు , ఫేస్ షీల్డ్ లు వితరణ చేశారు.  రూ. 15 లక్షలు విలువైన 75వేల మాస్కులు, 15 వేల ఫేస్ షీల్డ్  లను జిల్లా కలెక్టర్ వినయ్ చంద్ కు చీరాల శ్రీ రామ్ ప్రసాద్ అందజేశారు. ఈ సందర్భంగా కలెక్టర్ వినయ్ చంద్ మాట్లాడుతూ, ప్రజారోగ్యం కోసం మంచి మనసుతో వితరణ చేయడం అభినందించదగ్గ విషయమన్నారు. మనసున్న దాతలు మరింత మంది ఈ విధమైన సహాయానికి ముందుకి వస్తే వైద్యసిబ్బందికి మరింత రక్షణగా ఉంటుందని అన్నారు. ఈ కార్యక్రమంలో ఆంధ్ర వైద్య కళాశాల ప్రిన్సిపాల్ డాక్టర్ పి వి సుధాకర్, అడిషనల్ డిఎంఅండ్హెచ్ఓ విజయలక్ష్మి,   విమ్స్ ఎగ్జిక్యూటివ్ ఇంజనీర్  ఉమేష్ కుమార్, మల్లికార్జున్ రెడ్డి తదితరులు పాల్గొన్నారు.