ఆంధ్రప్రదేశ్ ప్రభుత్వం పాక్షిక కర్ఫ్యూ విధించిన నేపథ్యంలో విశాఖలోని సింహాచలం శ్రీశ్రీశ్రీ వరాహ లక్ష్మీనృసింహస్వామి ఆలయంలో భక్తులకు స్వామివారి దర్శనాల్లో మార్పులు చేశారు. భక్తులను ఉదయం  6:30  గంటల నుంచి 11:30(AM)వరకు మాత్రమే దర్శనాలకి అనుమతిస్తారు.   స్వామివారికి జరగాల్సిన సేవలన్నీ యథాతథంగా రాత్రి 9:00 గంటలకు అంటే పవళింపు సేవ వరకు ఏకాంతంగానే జరుగుతాయి. వాటిలో ఎలాంటి మార్పు ఉండబోదని అధికారులు తెలియజేశారు. స్వామివారి దర్శనాల్లో మార్పులను  భక్తులు  గమనించి స్వామివారిని ఉదయంపూట దర్శించుకోవాలని ఆలయ అధికారులు విజ్ఞప్తి చేశారు.