స్వఛ్చ సర్వేక్షణ్-2021లో విశాఖపట్నం ఉత్తమ ర్యాంకు సాధన దిశగా అందరం పని చేయాలని జి.వి.యం.సి. కమీషనర్ డా. జి. సృజన అన్నారు.  గురువారం స్వఛ్చ సర్వేక్షణ్- 2021 నందు పొందుపరచిన అంశాలపై వుడా చిల్డ్రన్ ఎరీనాలో అధికారులతో కమీషనర్ సమీక్షా సమావేశం నిర్వహించారు. ఈ సందర్భంగా కమీషనర్ మాట్లాడుతూ, గత సంవత్సరం విశాఖపట్నానికి 9 వ ర్యాంకు సాధనకు కృషి చేసిన అధికారులకు, సిబ్బందికి అభినందనలు తెలిపారు.  జరుగనున్న  స్వఛ్చ సర్వేక్షణ్ లో విశాఖ మరింత మెరుగైన స్థానం సాధించడానికి విశేషంగా క్రుషి చేయాలన్నారు. ముఖ్యంగా ప్రతి ఇంటినుండి వేరు చేసిన చెత్తనే సేకరించాలని, చెత్తను తీసుకుని సిబ్బంది వేరు చేయకూడదన్నారు.  ప్రతీ ఇంటిలో చెత్తను వేరు చేయడం, తడి చెత్తనుండి సేంద్రియ ఎరువును తయారు చేయడం వాటిపై ప్రజలకు  ప్రతి వారం అవగాహన కార్యక్రమాలు జరపాలన్నారు.  నివాసిత సంక్షేమ సంఘాల భాగస్వామ్యంతో కార్యక్రమాలను చేపట్టాలన్నారు.