కరోనా నియంత్రణ, బాధితుల సహాయంలో దాతల సహకారం మరువలేనిదని జిల్లా కలెక్ట్ వి.వినయ్ చంద్ పేర్కొన్నారు.  కోవిడ్-19 నివారణలో భాగంగా హోమి బాబా కేన్సర్ ఆసుపత్రి అండ్ రీసెర్చ్ సెంటర్, 20 ఆక్సిజన్ కాన్ సెంట్రేటర్లు జిల్లా కలెక్టర్ కు జిల్లా కలెక్టర్ కార్యాలయంలోని తన చాంబర్ లో గురువారం అందజేశారు. ఈ సందర్బంగా కలెక్టర్ మాట్లాడుతూ, మరింత మంది దాతలు ముందుకి రావడం ద్వారా కోవిడ్ రోగులకు సహాయం సత్వరం అందుతుందని అన్నారు. జిల్లా కలెక్టర్ తో పాటు జిల్లా జాయింట్ కలెక్టర్ పి. అరుణ్ బాబు ఉన్నారు.  ఇందులో 10 ఆక్సిజన్ కాన్ సెంట్రేటర్స్, 10 పోర్టబుల్ ఆక్సిజన్ కాన్ సెంట్రేటర్లు ఉన్నట్లు డా. మల్లేశ్వరరావు తెలిపారు.  ఇవి సుమారు 25 లక్షల రూపాయలు విలువ చేస్తాయని ఆయన పేర్కొన్నారు.