విశాఖలోని సింహాలచం శ్రీశ్రీశ్రీ వరాహ లక్ష్మీ నృసింహస్వామి (సింహాద్రి అప్పన్న)కి ఆదివారం స్వర్ణపుష్పాలతో ఘనంగా అర్చన నిర్వహించారు. శాస్త్రోక్తంగా స్వామివారికి నిర్వహించిన ఈ పూజలో భక్తులు అధిక సంఖ్యలో ఆన్ లైన్ లో పాల్గొన్నారు. ఆన్ లైన్ లో స్వామి పూజలు, అర్చనలు, కళ్యాణాలు టిక్కెట్లు తీసుకున్నవారికి లైవ్ గా జరిగిన స్వామివారి యూట్యూబ్ లింక్ పంపినట్టు దేవస్థాన ఈఓ ఎంవీ సూర్యకళ తెలియజేశారు. స్వామివారి ఆన్ లైన్ పూజల్లో పాల్గొన దలచిన వారు దేవస్థానం అకౌంట్ UPI ID:9491000635@SBI కుగానీ, ఆన్ లైన్లో SBI అకౌంట్ నంబర్ EO,SVLNS devasthanam  11257208642, IFCS code SBIN0002795కు గాని, కనీసం ఒక రోజు ముందుగా  నిర్ణీత రుసుము చెల్లించి పూజలు చేయించుకోవచ్చునన్నారు.  ఆన్ లైన్ లో డబ్బులు పంపాక తప్పకుండా దాని స్క్రీన్ షాట్ ఫొటో తీసి , మీ పేరు, గోత్రం తదితర వివరాలు  6303800736 నంబర్ కు వాట్సప్, మెసేజ్ ద్వారా  పంపించాల్సి వుంటుందన్నారు.  భక్తుల సందేహాలను కూడా ఇదే నెంబరు ద్వారా నివ్రుత్తి చేసుకోవచ్చునన్నారు.