అన్ని దానాల కంటే అన్నదానం గొప్పది అని నగర మేయర్ గొలగాని  హరి వెంకట కుమారి అన్నారు.  సోమవారం ఆమె 3వ జోన్ 23 వ వార్డు పరిధిలోని చైతన్య నగర్ లో దుర్గా దేవి  నవరాత్రుల మహోత్సవ ఈ సందర్భంగా వార్డ్ కార్పొరేటర్  గుడ్ల విజయసాయి దంపతుల ఆధ్వర్యంలో నిర్వహించిన అన్నదాన కార్యక్రమంలో పాల్గొని భక్తులకు అన్నదాన  ప్రసాదములను  అందించి, దుర్గమ్మకు ప్రత్యేక పూజలు చేశారు.  ఈ సందర్భంగా నగర మేయర్ మాట్లాడుతూ ప్రజలందరూ సుఖ సంతోషాలతో ఉండాలని,  నగర అభివృద్ధి జరగాలని,  కరోనా నుండి ప్రజలను  కాపాడాలని  వేడుకున్నట్లు తెలిపారు.  ఈ కార్యక్రమంలో వైయస్సార్ సిపి నాయకులు సత్యరెడ్డి,  స్థానిక నాయకులు,  ప్రజలు తదితరులు పాల్గొన్నారు.