అన్నవరం శ్రీశ్రీశ్రీ వీర వెంకట సత్యనారాయణ స్వామి వారి దేవస్థానంలో శుక్రవారం గోపాష్టమి  సందర్భంగా శ్రీ గోకులంలో గో పూజా కార్యక్రమం నిర్వహిస్తున్నట్టు ఈఓ వేండ్ర త్రినాధరావు తెలియజేశారు. ఈ మేరకు గురువారం అన్నవరంలో మీడియా ప్రకటన విడుదల చేశారు. గోపాష్టమి సందర్భంగా గోకులంలో గోవులకు ప్రత్యేకంగా పూజలు చేపడతామన్నారు. ప్రతీ ఏటా మాదిరిగానే ఈ ఏటా కూడా గోపూజ ఘనంగా నిర్వహించడానికి అన్ని ఏర్పాట్లు చేసినట్టు ఆయన ఆ ప్రకటనలో వివరించారు. ప్రభుత్వ కోవిడ్ నిబంధనలను అనుసరించి  పూజా కార్యక్రమాలు చేపట్ట నున్నట్టు ఆయన ప్రకటనలో పేర్కొన్నారు.