ఏలేశ్వరం పరిధిలో అక్రమంగా ఇసుక తరలిస్తున్న ఒక ట్రాక్టరును సీజ్ చేసి ఒక వ్యక్తిని అరెస్టు చేసినట్టు ఏలేశ్వరం ఎస్.ఐ సి.హెచ్ విద్యాసాగర్ తెలియజేశారు. గురువారం స్టేషన్ లో ఆయన మీడియాతో మాట్లాడారు. ముందుగా అందిన సమాచారం మేరకు తమ సిబ్బంది సన్యాసిరావు ,శ్రీను వాసు దొర,లోవరాజు, పండుదొర  తో తిరుమాలి గ్రామంలో పర్యటించి అక్రమంగా ఇసుకను రవాణా చేస్తున్న ఒక వ్యక్తిని అదుపులోకి తీసుకుని,ఇసుక ట్రాక్టర్ ను సీజ్ చేసి అతనిపై కేసు నమోదు చేసినట్టు వివరించారు. ప్రభుత్వ అనుమతి లేకుండా  ఎవరు ఇసుక తరలించినా కేసులు నమోదు చేస్తామని ఆయన ఈ సందర్బంగా హెచ్చరించారు.