షెడ్యూల్ ప్రకారం స్ప్రేయింగ్ జరగాలని ఐటిడిఏ ప్రాజెక్టు అధికారి ఆర్. కూర్మనాథ్ అన్నారు. పార్వతీపురం మండలం ములగ, మక్కువ మండలం మక్కువ గ్రామ సచివాలయాలను ఐటిడిఏ ప్రాజెక్టు అధికారి మంగళ వారం తనిఖీ చేశారు. ఈ సేవ రిజిస్టర్లను, ఓటీస్ -  జగనన్న పేదలకు ఇళ్ళు స్కీం, సంక్షేమ పథకాల గురించి అడిగి తెలుసుకున్నారు.   ఆన్‌లైన్‌లో హాజరు నమోదును తనిఖీ చేసారు. పార్వతీపురం మండలం పిండిలోవ, వెలగవలస గ్రామాలను, మక్కువ మండలాన్ని సందర్శించి మలేరియా సోకకుండా స్ప్రేయింగ్ షెడ్యూల్ ప్రకారం జరుగుతుందో లేదో పరిశీలించారు.  ఆశ వర్కర్ తోరియాతో మాట్లాడి స్వయంగా  తెలుసుకున్నారు. మలేరియా, డెంగ్యూ నివారణకు ముందస్తు జాగ్రత్తలు తీసుకోవాలని సూచించారు.