శంఖవరం మండల వ్యవసాయాధికారిగా పడాల గాంధీ నియమితులయ్యారు. ఇటీవల అధికారుల బదిలీల్లో భాగంగా రైతులపూడి మండలంలో వ్యవసాయాధికారిగా పనిచేసే ఈయనను శంఖవరం మండల వ్యవసాయాధికారిగా ప్రభుత్వం నియమించింది. ఈ మేరకు బుధవారం ఆయన మండల కేంద్రంలోని వ్యవసాయశాఖ కార్యాలయంలో బాధ్యతలు స్వీకరించారు. ఈ సందర్భంగా మండలంలోని గ్రామ సచివాలయ వ్యవసాయ సహాయకులు మర్యాదపూర్వకంగా వెళ్లి కలుసుకుని పరిచియాలు చేసుకున్నారు. ఎవరెవరు ఏ గ్రామ సచివాలయాల పరిధిలో పనిచేస్తున్నారో నూతన వ్యవసాయాధికారికి వివరించారు. అనంతరం వ్యవసాయాధికారి మాట్లాడుతూ, రైతులకు వ్యవసాయ పరంగా, సాగు పరంగా అందుబాటులో వుంటూ ఎలాంటి సమస్యలు వచ్చినా పరిష్కరించే దిశగా చిత్తశుద్దితో పనిచేయాలని సిబ్బందికి సూచించారు. ఈ కార్యక్రమంలో విఏఏలు, కార్యాలయ సిబ్బంది తదితరులు పాల్గొన్నారు.