కాకినాడలోని సర్పవరం జంక్షన్ లో లయన్స్ క్లబ్ కాకినాడ ప్రొఫెషనల్  సభ్యులు ద్వారంపూడి విపుల్ రెడ్డి ఆధ్వర్యంలో మంగళవారం ప్రాణాంతక వ్యాధిగ్రస్తులకు గుడ్లు పంపిణీ జరిగింది. ఈ సందర్భంగా డాక్టర్ అడ్డాల సత్యనారాయణ మాట్లాడుతూ  పోషకాహారంలో తల్లిపాల తర్వాత స్థానం గుడ్డుదేనన్నారు. శరీరానికి అవసరమైన అన్ని కీలకమైన   విటమిన్లు, ఖనిజాలు, ఆరోగ్యకరమైన కొవ్వులు, మాంసకృతులు గుడ్డు ద్వారా లభిస్తాయని అన్నారు. ముఖ్యంగా మహిళల ఎముకల ఆరోగ్యానికి గుడ్డు చాలా సహాయపడుతుందని డాక్టర్ అడ్డాల తెలిపారు. ఈ కార్యక్రమంలో క్లబ్ అధ్యక్షులు రవికుమార్, నిమ్మకాయల వెంకటేశ్వరరావు, అడబాల రత్న ప్రసాద్, రవిశంకర్ పట్నాయక్ తదితరులు పాల్గొన్నారు.