సింహాచలం  శ్రీ వరాహ లక్ష్మీనర సింహస్వామి గిరిప్రదక్షణ సందర్భముగా చేసిన ఏర్పాట్లపై పలువురు భక్తులు సంతృప్తి ని వ్యక్తం చేశారు. మంగళవారం సాయంత్రం జిల్లా కలెక్టర్, పోలీస్ కమిషనర్ సిహెచ్ శ్రీకాంత్ తో కలిసి కమాండ్ కంట్రోల్ రూమ్ లో ఏర్పాటు చేసిన సి సి కెమెరాలు ద్వారా గిరిప్రదక్షణ ఏర్పాట్లు, భక్తులు ప్రయాణించే మార్గం లో  కదలికలు గమనించారు.  అనంతరం పోలీస్ కమిషనర్ తో కలిసి జిల్లా కలెక్టర్  అప్పుఘర్ దగ్గర భక్తులకు కోసం ఏర్పాటు  చేసిన సదుపాయాలు గురించి భక్తులను అడిగి తెలుసుకున్నారు. ఈసందర్భంగా దేవరపల్లి మండలం నుంచి గిరి ప్రదక్షిణకు వచ్చిన శ్రీ ముత్యాలమ్మ అనే భక్తురాలు జిల్లా కలెక్టర్ తో మాట్లాడుతూ గతంలో ఎన్నడూ లేని విధంగా భక్తుల కోసం అనేక సౌకర్యాలు ఈ ప్రభుత్వం కల్పించిందని జిల్లా కలెక్టర్ కు ధన్యవాదాలు తెలిపారు. గతంలో గిరి ప్రదక్షిణ చేసేటప్పుడు చిన్న చిన్న రాళ్లు గుచ్చుకునేవని, నేడు రోడ్లు ఎంతో శుభ్రంగా ఉన్నాయని, అదేవిధంగా తాగునీటి సౌకర్యం, కూడా కల్పించిందని జిల్లా కలెక్టర్ కు తెలిపారు.