పారిశుధ్య నిర్వహణపై జిల్లాలో కార్యక్రమాలు చేపట్టాలని ముఖ్యంగా మున్సిపాలిటీలలో మరింత పకడ్బందీగా నిర్వహించాలని డివిజనల్ అధికారులకు జిల్లా కలెక్టర్ బాధ్యతలు అప్పగించిన సంగతి విదితమే. పట్టణాల్లో పారిశుధ్య నిర్వహణపై ఎప్పటికప్పుడు ఇద్దరు రెవిన్యూ డివిజనల్ అధికారులు పర్యవేక్షణ చేపడుతున్నారు. పార్వతీపురం వరహాల గెడ్డ దశాబ్దాల కొలది పూడిక తీతకు నోచుకోలేదు. అటువంటి పనులను ఈ ఏడాది చేపట్టి పారిశుధ్యానికి మరీ ముఖ్యంగా వరద నీరు వచ్చినా పట్టణానికి ఇబ్బంది లేకుండా చేశారు. కాలువల్లో ప్లాస్టిక్ వ్యర్థాలు వలన మురుగు నీరు పారుటకు ఇబ్బంది కరంగా ఉండటం, పారిశుధ్యం కోపంలో వాటి పాత్ర ఎక్కువగా ఉండటం పట్ల జిల్లా యంత్రాంగం శ్రద్ద వహించి అవగాహన కల్పిస్తున్నారు. ప్రజలు పారిశుధ్య నిర్వహణలో సహకారం అందించి, పరిశుభ్రమైన పట్టణాలు, గ్రామాలు ఆవిర్భావానికి, అంటువ్యాధుల ప్రభావం లేకుండా ఉండటానికి తోడ్పడాలని అధికారులు పిలుపునిచ్చారు. గ్రామాల్లో పారిశుధ్య నిర్వహణను జిల్లా గ్రామ పంచాయతీ అధికారి బలివాడ సత్యనారాయణ పర్యవేక్షిస్తున్నారు.