బాలవికాస ఫౌండేషన్ ఆధ్వర్యంలో జాతీయ బాలికల దినోత్సవ వేడుకలు మంగళవారం ప్రభుత్వ బాలికల వసతి గృహంలో ఘనంగా నిర్వహించారు. ఈ సందర్భంగా కార్యదర్శి నరవ ప్రకాశరావు మాట్లాడుతూ 2008 నుంచి వివిద సమాజ అవగాహన కార్యక్రమాలు నిర్వహిస్తున్నామన్నారు. రాష్ట్రపతి ప్రతిభా పాటిల్ పదవిలో ఉండగా మేదిటిసారి 2009 జనవరి 24న మొదటి దినోత్సవ వేడుకలకు అంకురార్పణ జరిగిందని గుర్తు చేశారు. ఆడపిల్ల దేశానికి గర్వకారణమని వారిని స్వేచ్చగా పెరిగే అవకాశం ఒక బరోసా ఇవ్వాలని కోరారు. ముఖ్య అతిథిగా హాజరైన పారిశ్రామిక వేత్త భరణికాన రామారావు మాట్లాడుతూ, బాలికల కోసం ఎన్ని చట్టాలు తెచ్చినా ఇంకనూ హింసకు బలవుతున్నారని చట్టాలను నిజాయతీగా అమలు చేయాలని కోరారు. బాలికలకు భారతదేశం సురక్షితం అనేవిధంగా చట్టాలు అమలు చేయాలన్నారు. సమావేశంలో గృహం అధికారి ఎవి ఎస్ సునీత డాక్టర్ బాబ్జీ, సిబ్బంది తదితరులు పాల్గొన్నారు.
