అల్లూరి జిల్లా డుంబ్రిగుడ మండలంలోని పోతంగి పంచాయితీ పరిధి గోడసార గ్రామంలో గృహాలు లేని అర్హులందరికీ గృహాలు మంజూరు చేసి పక్క గృహాలు నిర్మించి ఇవ్వాలని పంచాయతీ సర్పంచ్ వెంకటరావు ప్రభుత్వాన్ని కోరారు. ఈమేరకు ఆయన ఆదివారం ఉదయం గోడసార గ్రామంలో పర్యటించి గృహాలు లేని లబ్ధిదారుల వద్దకు వెళ్ళి వారి సమస్యలు అడిగి తెలుసుకున్నారు. ఈ సందర్భంగా ఆయన మాట్లాడుతూ. గ్రామంలో 5 కుటుంబాలకు నివాసముండేందుకు సరైన గృహాలు లేక ఎండకు వానకు చలికి తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. తక్షణమే ప్రభుత్వం స్పందించి గోడసార గ్రామంలో ఈ ఐదు కుటుంబాలకు నివాస గృహాలు మంజూరు చేసి నిర్మించి ఇవ్వాలని ప్రభుత్వాన్ని, ఐటిడిఏ అధికారులను కోరారు.
