జగనన్న గృహాలను త్వరగా పూర్తి చేయాలని మాకవరపాలెం మండల ప్రత్యేక అధికారి రమేష్ లబ్ధిదారులకు సూచించారు. మండలంలోని రాచపల్లి, రామన్నపాలెం జగనన్న కాలనీలను ఆయన శుక్రవారం సందర్శించారు. ఈ సందర్భంగా ఇప్పటికీ నిర్మాణాలు ప్రారంభించని లబ్ధిదారులతో మాట్లాడారు. ప్రభుత్వ ఆదేశాల మేరకు వెంటనే నిర్మాణాలు చేపట్టాలన్నారు. ఉగాదినాటికి నిర్మాణంలో ఉన్న ఇళ్లను పూర్తిచేసేలా చూడాలని హౌసింగ్ అధికారులను ఆదేశించారు.  ఆయన వెంట ఎంపీడీవో అరుణశ్రీ, హౌసింగ్ అధికారులు ఉన్నారు.