అన్నవరంలోని శ్రీ వీరవేంకట సత్యన్నారాయణ స్వామివారి దేవస్థానంలోని శ్రీ సత్యదేవ నిత్య అన్నదానం ట్రస్టుకి హైదరాబాదుకి చెందిన మల్లారెడ్డి, మధులతారెడ్డిలు రూ.లక్ష విరాళం అందించారు. ఈమేరకు గురువారం దేవస్థానంలోని సిబ్బందికి ఆమొత్తాన్ని అందజేసి పత్రాన్ని పొందారు. సెప్టెంబరు11న అనన్య పేరుతో అన్నదానం చేయాలని దాతలు అధికారులను కోరారు. అనంతరం స్వామివారిని దర్శించుకొని ప్రత్యేక పూజలు చేశారు. ఆలయ సిబ్బంది స్వామివారి ప్రసాదాలు అందజేయగా, వేదపండితులు ఆశీర్వచనాలు అందజేశారు. ఈ కార్యక్రమంలో దేవస్థాన సిబ్బంది పాల్గొన్నారు.
