అన్నవరం శ్రీ వీర వెంకట సత్యనారాయణ స్వామి వారి సన్నిధిలో శ్రావణ శుక్రవారం సామూహిక వరలక్ష్మీదేవి వ్రతాలను వైభవంగా నిర్వహించారు. ఉదయం 9గంటలకు ప్రత్యేకంగా ఏర్పాటు చేసిన మండపంలో అమ్మవారిని ఏర్పాటు చేసి వేదపండితుల ఆధ్వర్యంలో వ్రతాలను నిర్వహించారు. పూజలో పాల్గొన్న మహిళలు కొబ్బరికాయలు, పువ్వులు తెచ్చుకోగా, మిగిలిన పూజా సామాగ్రిని దేవస్థానం ఏర్పాటు చేసింది. ఉచితంగా నిర్వహించిన అమ్మవారి వ్రతాల్లో పాల్గొనడానికి గృహిణుల విశేషంగా తరలి వచ్చారు. వ్రతం అనంతరం స్వామివారిని దర్శించుకొని ప్రత్యేక పూజలు చేశారు.