గ్రంథాలయాలతో విద్యార్ధులు పఠనా శక్తి పెంపొందించుకోవాలని విశాఖజిల్లా గ్రంథాలయ సంస్థ చైర్మన్ కొండా రాజీవ్ గాంధీ పేర్కొన్నారు. అల్లూరి సీతారామరాజు జిల్లా జి.మాడుగులలో నూతనంగా నిర్మించిన శాఖా గ్రంథాలయాన్ని ఆయన ప్రారంభించారు. ఈ సందర్భంగా ఆయన మాట్లాడుతూ, రాష్ట్రంలో విశాఖజిల్లా గ్రంథాలయ సంస్థను అగ్రగామిలో నిలిపేందుకు అన్ని చర్యలు తీసుకుంటున్నట్టు ఆయన చెప్పారు. గ్రంథాలయాల్లో విద్యార్ధుల సౌకర్యార్ధం అన్ని రకాల మౌళిక సదుపాయాలు కల్పించేందుకు చర్యలు తీసుకుంటున్నట్టు ఆయన వివరించారు. ఈ కార్యక్రమంలో కార్యదర్శి వెంకట్రావు, ఎగ్జిక్యూటివ్ ఇంజనీర్ రమేష్, లైబ్రేరియన్ మహేష్, స్థానికి ప్రజాప్రతినిధులు అధిక సంఖ్యలో విద్యార్థులు పాల్గొన్నారు.
