సూర్యభగవానుడి రథసప్తమి వేడుకలకు సిద్దమైన రాజుపాలెం
P.Joginaidu
21
Anakapalle
2024-02-13 15:44:01
అనకాపల్లి మండలంలోని రాజుపాలెం గ్రామంలో వెలిసిన శ్రీ సూర్యనారాయణ స్వామి ఆలయంలో ఈనెల 16న రథసప్తమి సందర్భంగా ఏర్పాట్లు అన్ని పూర్తిచేసామని ఆలయ చైర్మన్ కొణతాల బాబురావు తెలియజేశారు. శతకంపట్టు కనకదుర్గ అమ్మవారి ఆలయ వ్యవస్థాపకులు పివి రమణ సహకారంతో ప్రముఖ బిల్డర్ కాండ్రేగుల నాయుడు రూ.3 లక్షల ఆర్థిక సహకారంతో శ్రీ సూర్య భగవాన్ క్యూ కాంప్లెక్స్ లు నిర్మించామన్నారు. ఆలయానికి వచ్చే భక్తులకు ఎటువంటి అసౌకర్యం కలగకుండా త్రాగునీరు, మధ్యాహ్నం అన్నదానం, పలు సంస్కృతి కార్యక్రమాలు అత్యంత ఘనంగా నిర్వహిస్తామన్నారు. ఈనెల 14న ఉదయం ఆలయ అర్చకులు దొడ్డిపట్ల కళ్యాణ్ కుమార్ ఆధ్వర్యంలో శ్రీ ఉష పద్మిని చాయా సమేత శ్రీ సూర్యనారాయణ స్వామి కళ్యాణం జరుగుతుందని, సాయంత్రం స్వామి వారికి భక్తులు సహకారంతో సారి ఊరేగింపు జరుగుతుందని వివరించారు.
